Magnifiku I Vice Presidente Instituto Politécnico de Betano kay Rala Xanana Gusmão loke abertura ba Jogu Amizade IPB CUP 30 de Agosto iha kampus Instituto Politecnico de Betano, Loron 26 fulan Jullu tinan 2019.

Sr. Capriano Tilman, MPA.
I Vice Prezidente IPB ba Asuntu Akademiku

Relasiona ba jogu Amizade ida ne’e ho objetivo atu komemora ba loron konsultasaun popular ba 30 de agusto ninian, ida ne’e inisaitiva husi asosiasaun estudantil ho ninia estrutura tomak ne'ebe sira hakarak komemora loron ida ne'e tamba loron ida ne'e hanesan loron historikamente Timor Leste ninian rasik, tamba ne'e mak sira prepara sira nia proposta por volta de $1.770 dolares Amerikano i osan ne’ebé mak entrega ba asosiasaun nia liman hamutuk $ 1.030 dolares Americano atu sira bele utiliza ba iha konsumu no mos ba aktividades desportu nian.

Nune'e magnifiku I vice hatutan tan katak abertura ba iha jogu ida ne'e e sei hela osan $740 dolar Americano iha diresaun aprovisionamentu nia liman hodi bele kompras ka diretamente ba iha premiu sira ne’ebé maka atu entrega ba iha grupo idak idak ne’ebé maka bainhira sai hanesan manan nain, ida ne’e maka preparasaun ne’ebé mak iha. No ohin loron 26 fulan jullu tinan 2019 horas 15:00 lorokraik ha'u abertu ba jogu amizade ida ne’e no sei finaliza iha tempo ne’ebé determinado i jogu ida ne'e nia laran ha'u husu para ida idak atu bele fo hanoin ba grupu hotu hotu katak jogu ne'e laos jogu para atu estraga malu, maibe jogu atu hametin lasu amijade no unidade entre estudante ho estudante, para finalidade atu bele hetan fini ne'ebe mak diak hodi prepara ba iha futuru IPB nian, i imi iha talentu nebe mak diak liu husi jogu ida ne’e, hau fiar katak nasaun sei presisa imi sai hanesan jogador ida ne'ebe mak diak hodi representa timor ba iha nasaun sira seluk.

Mensagen

Ba asosiasaun estudantil no Komisaun Organizadora, jogu amizade ida ne’e hodi komera loron 30 de agustu ba konsulta popular ba dala 20 ne’ebe ita sei selebra iha ita nia ambiente ne’e rasik tamba ne’e presiza atu tau iha hanoin ho konsensia ne'ebe mak Nasionalismu ba iha ita nia rain tamba loron ida ne’ebé sai hanesa loron historiku Timor-leste nia ne'ebé ita nia ema sira soe sira nia isin no fakar sira nia ran, hodi bele hetan independensia ida ne'e, tamba ne’e husu ba estudante hotu atu bele partisipa maximo iha loron reflesaun ida ne’e.