Presidente komisaun organijadora ba loron konsulta popular 30 de agostu ba dala 20, hala’o iha kampus Instituto Politécnico de Betano Kayrala Xanana Gusmão (IPB-KRXG).

Ir. Jose Carlito Caunan

Presidente Komisaun oraganizadora ba eventu IPB CUP 30 de Agusto

Komisaun organizadora realiza aktividade jogu klasse metin hodi komemora loron konsulta popular 30 de Agostu ba dala 20 iha kampus (IPB), komisaun organizadora komesa nia funsionamentu iha dia 23 de Julho 2019. Hanesan xefi komisaun organizadora ba komemorasaun loron konsulta popular 30 de Agusto, kompostu ho vice nain 2, sekretariadu nain 2, tezoreiru nain 2, seksaun nain 5 kompostu husi seksaun mediku, seksaun arbitrazen, seksaun dokumentasaun, seksaun logistik no seksaun seguransa. Husi ne’eba ami servisu hamutuk hodi dezenvolve aktividade saida deit mak presiza hodi halo preparasaun ba jogu ida refere.

Hanesan xefi komisaun organiza hamutuk ho seksaun sira hotu katak ami servisu voluntariamente hodi dezenvolve aktividade refere, hodi halo praparasaun kampu, no halo rijistrasaun ba klubu sira, klubu sira ne’ebe registu ba Futebol nian hamutuk 11 klubu, voleibol nian hamutuk 11 klubu, badminton nian klubu ha'at. Tamba ne’e husi jogu tipu tolu ne’e sei realiza iha semena ida ne’e nia laran, no finalidade sei realiza iha dia 30 de Agostu lokraik.

Hanesan xefi Departamentu aktividade akademika karakteristika extra kurikuler importante iha vida estudante, purtantu liu husi oportunidade ida ne’e, sei iha lasu no kria relasaun ne’ebe firme hanesan sosiedade akademika, ho vida atualidade. Husi ne’eba ita sei desenvolve no profunda ita nia talentu, hodi hariku ita nia kapasidade no forma personalidade ida ne’ebe nakonu ho esperitu sensibilidade ne’ebe as, se la’e ema hateke ita kaman los, tamba bakat la iha. Aktividade ida ne’e atu dezenvolve kapasidade ka talentu estudante nian hodi bele partisipa kualker eventu ka aktividade extra ordinario no intra ordinario, tamba ne’e maka estrutura asosiasaun estudantil nian tur hamutuk hodi kria jogu ida ne’e.

Hanesan xefi komisaun atu kari hela lia fuan balu ba jogadores sira katak, karik orsida lokraik abertura fiar katak jogu ida ne’e laos kria inimigu entre ita ho ita, maibe atu fo hanesan lasu ka kria amizade ida ne’ebe nakonu ho sensibilidade, hodi hametin tan ita nia fiar no haburas tan ita nia talentu ne’ebe diak liu tan iha futuru.

MENSAGEM

Mesagem ba komisaun no mos ba estudante hotu-hotu ne’ebe mak agora dadaun hala’o hela sira nia estudu iha (IPB), katak hanesan jerasaun foun, ita la’os buka oin, maibe ita tenke iha oin, ba maluk sira ne’ebe mak iha lamentasoens balun atu hato’o ba senadu departamentu no konselo jeral estudantil nian karik buat ruma ne’ebe komisaun hala’o lalos ho ita bo’ot sira nia laran karik, bele tur hamutuk hodi bele foti medidas ba problema ne’ebe mak ita infrenta, i laos problema mak sai solusaun, maibe iha alternativu seluk, atu ita bele foti nia solusaun no ita servisu hamutuk bele lao ba oin ho diak liu tan.