Prespektiva husi primeiru vensedor ba abertura IPB CUP 30 de Agostu.

FC. KURAMAD

Tuir ami nia perspektiva ba iha eventu ida ne’e, filizmente hanesan estudante senti kontente tamba liu husi aktividade sira ne’e maka bele halo ita estudante hotu mesmu durante iha prosesu aprendijagem laran ita ladun kuñese malu diak, ladun iha lasu amijade ne’ebe diak, maibe liu husi akvidade ida ne’e ita bele kria amijade diak liu tan no kuñese malu diak liu tan ba iha futuru oin mai. 

Agradese ba iha institutu tamba bele loke eventu ida ne’e hodi bele komemora loron Konsulta Popular 30 de agusto, ho razaun katak atu transmiti informasaun ne’ebe mak akontese iha momentu neba mai ami hanesan jerasaun foun atu bele komprende, iha tempu ida agora no ba iha tempu oin, nune’e ami bele habelar liu tan ba maluk sira ne’ebé seidauk entende didiak ba akontesimentu refere.

Esperansa ba oin bele kria tan eventu sira seluk alende eventu ida ne’e atu bele loke ami nia koñesementu diak liu tan ba iha mundu akademiku nian no especialmente ba talentu sira hotu relasiona ho ami nia estudu.

Mensagem ba iha eventu ida ne’e, husu ba participantes no adeptus sira hotu atu bele, kria unidade, mantein dame no realiza amizade hodi kontribui ba Instituto no valoriza disiplina iha atividades exra-kurikular hotu.