Partisipa Reuniaun Ba Anúnsiu Rezultadu Finál Asesu Ba UNTL No IPB Iha Tinan 2021

 

Dili, 05 Fevereiru 2021 (IPB) - Magnífiku Prezidenti IPB Acácio Cardoso Amaral, PhD no Vise Prezidenti I Cipriano Tilman, MPA partisipa iha reuniaun ba anúnsiu rezultadu finál asesu ba Universidade Nasionál Timor-Lorosa'e (UNTL) no Institutu Politékniku Betano (IPB) iha Salaun Ian Martin, INFORDEPE, Dili.

Bazeia ba rezultadu, totál hosi estudante admitidu hamutuk nai'n-5582 ba Rejimé Jerál no espesiál iha UNTL no IPB, maibé totál estudante admitidu asesu ba IPB hamutuk nai'n-300.

Rezultadu finál asesu ba UNTL ho IPB sei fó sai iha tempu badak nia laran.

Iha reuniaun refere, partisipa hosi Ministro Ensinu Superiór, Siénsia no Kultura (MESSK), Magnífiku Presidente IPB Acácio Cardoso Amaral PhD, Vise Prezidenti I Cipriano Tilman, MPA, Sekretáriu Estadu Arté no Kultura, Ministro Edukasaun Juventude no Desportu (MEJD), Magnífiku Reitór UNTL, Vise Reitór UNTL, Diretór Ezekutivu ANAAA, Diretóra Ezekutivu FDCH, Prezidenti INCT, Ministru Antigu Kombatente Libertasaun Nasionál no nsst.

Mídia IPB